نظرية الحيطة !!

إحنا هنا في مصر ماشيين "بنظرية الحيطة" !

أول ما يتولد الطفل ويبتدي يفهم, بتدي نحفظه النظرية دي..
وهي عبارة عن ثلاث مبادئ :
1/"أمشي جنب الحيط"

2/"الحيطان ليها ودان"

ويوم ما يطفح بيهم الكيل ويبقوا عايزين يقولوا للظالم لك يوم يقولوا:

3/"بُكره نمشي جنب الحيطه ونسمع الزيطه"

فضلنا نقول النظريات ونطبقها, ونسينا نشوف آلية العمل !
وهي ...
أن كلنا لبسنا في الحيطه !

قعدوا يقولوا لكل مواطن شقه, ولكل مواطن خمس ارغفة عيش !
وفي الحقيقة لكل مواطن "حيطه" يلبس فيها !

وناموا بقى نامت عليكوا حيطه ..